Կապ Մեզ Հետ

Հաճախ տրվող հարցեր

Ու՞մ համար է նախատեսված ուսուցման հարթակը։

Հարթակը նախատեսված է հանրային պաշտոն զբաղեցնող անձանց, հանրային ծառայողների, ոլորտային կազմակերպությունների և լրատվության միջոցների ներկայացուցիչների, ինչպես նաև ոլորտով հետաքրքրվող ցանկացած անձի համար։

Ինչպե՞ս կարող եմ պարզել՝ արդյո՞ք տվյալ դասընթացը հասանելի է ինձ համար։

Հարթակում ստեղծված դասընթացների մի մասը թիրախային է և մշակված է հանրային պաշտոն զբաղեցնող անձանց և հանրային ծառայողների համար։ Այդուհանդերձ, տեղադրված են նաև հանրային/ընդհանուր հասանելիության դասընթացներ, որոնց կարող են մասնակցել ցանկացող անձինք։ Ձեր մուտքի տեսակով պայմանավորված՝ հարթակի «Դասընթացներ» բաժնում կտեսնեք Ձեզ համար հասանելի դասընթացների ցանկը։

Ինչպե՞ս կարող եմ գրանցվել հարթակում և սկսել դասընթացների ուսուցումը:

Եթե հանդիսանում եք հանրային պաշտոն զբաղեցնող անձ կամ հանրային ծառայող, ապա պետք է ստեղծել օգտահաշիվ և մուտք գործել համակարգ։ Կոռուպցիայի կանխարգելման հանձնաժողովի կողմից ձեր գրանցումը հաստատելուց հետո դուք կկարողանաք սկսել դրանց ուսուցումը։ Եթե չեք հանդիսանում հանրային իշխանության մարմնում պաշտոն զբաղեցնող անձ, ապա կարող եք մասնակցել դասընթացներին հյուրի կարգավիճակով։

Կարո՞ղ եմ կիսատ թողնել դասընթացը և ապա շարունակել։

Այո, օգտահաշվի առկայության դեպքում դասընթացները կարող եք թողնել կիսատ և ապա շարունակել։ Համակարգում Ձեզ հասանելի կլինեն Ձեր կողմից ավարտված և ընթացքի մեջ գտնվող դասընթացները։

Արդյո՞ք դասընթացի ավարտից հետո կարող եմ ստանալ մասնակցությունս հավաստող վկայագիր։

Յուրաքանչյուր մասնակից դասընթացը բարեհաջող ավարտելուց հետո կարող է ստանալ իր մասնակցությունը հավաստող անվանական առցանց վկայագիր։

Ի՞նչ անել, եթե չեմ կարողանում ներբեռնել կամ դիտել դասընթացի նյութերը:

Տեխնիկական խնդրի առկայության դեպքում դրա մասին մեզ կարող եք հայտնել «Կապ մեզ հետ» բաժնում թողնելով համապատասխան նամակ, մեզ զանգահարելով կամ գրելով մեր էլեկտրոնային հասցեին։

Ի՞նչ սարքավորում է անհրաժեշտ դասընթացներին մասնակցելու համար (օրինակ՝ համակարգիչ, հավելված, ինտերնետ կապ):

Դասընթացները հասանելի են ցանկացած սարքավորում օգտագործելիս՝ առանց որևէ սահմանափակման։

Ինչպե՞ս կարող եմ փոխել իմ օգտահաշվի տվյալները (օրինակ՝ էլ. փոստ կամ գաղտնաբառ):

Ձեր գաղտնաբառի և համակարգին տրամադրված էլեկտրոնային հասցեի փոփոխությունը կարող եք կատարել Ձեր «Անձնական էջ» բաժնից։